心情實在飄忽 . 久久未能平伏
發癲玩謝身邊人 . 實在萬分抱歉 !

電影 : Wristcutters - A Love Story
其中一句對白 :
the only way its gonna work is if it doesnt matter
得知過份 介意 / 沉迷 / 執著 絕非好事
抽身再細看 其實也不外如是 !

新假期 : 大專生08暑假 愛心回饋地球

有日友人買o左本新假期
一睇個封面就聯想 : 我可以免費去旅行呀 !
其中一個仲要係東柬埔寨 ! 勁吸引
再睇睇參加資格 . 原來ive不屬於大專生 !
一直以為自己係大專生 . 究竟伊家呢個位置係應該叫做乜 ?

咁究竟時下o既學生上堂時會鍾意做 d 乜 ?
我有一個好正o既同學
真係樣靚身材正 . 講十句說話有九句係廢話
係一個無聊畫家 . 請大家欣賞o下佢o既明作
* 見過佢o既 . 千萬不要打我 . 美麗謊言緊有的

巫婆版的美少女戰士

有頭髮o既叮噹

見到后笑到收唔到聲
*雖然都唔明有咩咁好笑
其后立即透過電話將其發揚光大
其中一個接收者係熱愛叮噹
可能佢收到之后已經嬲到掟爛電話 . 所以冇作回覆

*意外地搵到平價煙 . 好抵 !!!

一生人總有第一次

坐上"電椅"時 . 腦海中還記著家姐的話 :
『打支針先 . 等麻醉o黎 . 之后就唔痛架喇』

醫生叫我咬緊排牙 . 同時眼見其手持針筒
嚇到合上眼 ! 腦海竟浮現 鬼伎回憶錄 ...
正當以為自己死過反生 . 醫生叫我張開口
好費解 . 點解又張開呢 ? 原來要打第二支 -__-'''
原來唔係死過反生 . 係死過再死 !
如事者 . 原來仲有第三支 !
就如感受到戲中komomo牙肉被針拮之苦

打完第三支我向風趣的護士投以plx help的眼神
她再次風趣 : 一陣可能會再打多一支架喎
心情不停的往地獄下跌 . 有諗過放低錢即閃 !

幸好 . 麻醉力好快就到 . 太八掛o既關係所以張開眼
見醫生手持 武器 向我的嘴進發 . 再次嚇到合上眼
不過一點感覺都冇 . 好感動
只係感受到個頭搖左好多下 . 係咪我隻牙太實呢 ?
腦海又出現 原罪犯

返家后首要問家姐 : 你話打支針 . 唔係解 1 支咩 ?! 點解我打左 3 支架!?
家姐 : 我個陣先打 2 支 . 之後要求醫生再打喎
暗地裡想殺人 ! 從來意識唔到 打支針 係解打幾支針?!

再想殺/感謝自己 . 睇得太多核突片
一下子填滿晒個腦
算係估自己劇情發展 or 感受戲中人之苦 呢?!

 有晚食金莎 . 忽然大牙劇痛 . 飲啖水 . 仲痛 -__-'''
第二日即刻去同牙醫做朋友
先打電話去預約 . 得知不收credit card . 心情下跌
向友人借幾舊水救"牙" . 奉獻俾牙醫大人

隨住時間的流去 . 四隻智慧齒已生出兩隻半
一隻要拔走 . 另外個半隻因為出左 d 又出唔晒 . 要做小手術
另外又有兩隻牙要補 . 洗埋牙 . 加加埋埋大約三千大元
返到屋企同親愛的姐姐討論呢個問金錢的問題
幸好 . 有讚助 -__-''' . 不過o黎都係窮死

*補牙時護士見我雙手不停郁 . 笑笑口問 : 你好驚咁喎 ?
 我訓係度望住似光環的燈 : 係呀 . 勁驚 . 拔牙痛唔痛架 ?
 護士 : 拔智慧齒會先麻醉啦 . 你唔會有感覺架
 餚底怪 : 即係打針麻醉呀 ? 打針打牙肉 . 會唔會好痛架 ?!
 護士不耐煩 : 好似俾蚊咬一下咁之嘛
 心諗 : 點知者 . 邊有可能俾蚊咬牙肉架 ?!

*其后問姐打針痛唔痛
 姐 : 痛就緊有少少架喇 . 不過之后你會好似半邊面中風咁
 其實心諗緊 . 咁樣會唔 d 口水會唔會流晒出o黎 ?!

到第二朝肚痛醒 . 感覺到鼻似不屬於自己的
候嚨乾旱 . 周身骨痛 . 再加上牙痛 !
感謝上天對我的照顧 . 萬千寵愛短時間集於一身
就如一個鐵甲萬能俠 . 裝上一身裝備保護自己
不過吾是相反的 . 裝上一身細菌病毒包住自己個頭

將約會活動推得就推 . 生病換來的就是假期
雖然大部分都係昏迷般的睡眠 . 例如對住電腦忽然訓著
明明一星期只係返三日學
旦時間還是不夠 . 比以前更不夠用
實在可悲 !
套用媽媽的一句 : 你多朋友呀嘛 !
注意 . 係用感嘆號 . 好明顯媽媽不滿中